Në vijim të paketës së rekomandimeve për procesin e zgjedhjeve të përgjithshme parlamentare në vend, Avokati i Popullit, Igli Totozani i rekomandon Ministres Milena Harito dhe të gjithë Kryebashkiakëve të marrin masat për mospërfshirjen e punonjësve të Administratës Publike Qendrore dhe Vendore në fushatën elektorale në orarin zyrtar të punës.
Avokati i Popullit rekomandon:
-Marrjen e masave organizative për mospërfshirjen e punonjësve të Administratës Publike Qendrore dhe Vendore në fushatë elektorale në orarin zyrtar të punës.
– Në rast se do të konstatohen raste konkrete, kërkojmë marrjen e masave disiplinore në përputhje me dispozitat e Kodit të Punës apo Nepunësit Civil ndaj punonjësve që anashkalojnë detyrat dhe misionin e tyre të ngarkuar nga Kushtetuta dhe Ligjet e tjera.
