Kunati i ish-minsitrit të Brendshëm Saimir Tahiri, Alban Berisha ka ngjallur shumë diskutime pasi postoi një status ku e quante idhull ish-bosin e “Cosa Nostra”, Toto Riina.
“Sot vdiq Toto Rina, njeri i nderit! Respekte për këtë gjigand që ka qenë me tepër se një burrë shteti! Idhulli im, falë tij ndjehem thellë në shpirt një Korleonez! Dy vjet në Siçili për mua kanë qenë universitet, Universiteti i Nderit! Toto Rina mësuesi i jetës sime! Zoti të bekoftë atje lart në qiell o Njeriu i Nderit !”, thuhet në postimin nga profili i facebook-ut të Alban Berishës.
Pasi lajmi ka bërë xhiron mediave dhe rrjeteve sociale, Alban Berisha mohon të jetë ai autori i statusit në Facebook-un e tij, pasi i kanë vjedhur telefonin celular.
“Ju lutemi kush e ka gjetur telefonin dhe po e përdor në mënyrë të pandershme dhe të pandërgjegjshme Facebook-un tim, ju lutem ta dorëzoni sa më parë në rajonin e policisë më të afërt. Po më diskreditoni me këtë status që më keni bërë. Me respekt Alban Berisha”, thuhet në reagimin e kunatit të Tahirit.
