Një ngjarje makaber ndaj nje 22 vjeçareje ka ndodhur ne Rusi nga dy persona.
Sipas mediave, bëhet e ditur se një çift torturuan vajzën e re para se ata ta mbysnin dhe të fshihnin trupin e saj në një valixhe. Ata janë burgosur ditën e sotme në Rusi.
Pengmarrësit Alexander Alexandrov dhe bashkëpuntorja e tij Anastasia Grivkova, u dënuan secili me 16 vite burg pasi u shpallën fajtor për vrasjen e 22 vjeçares Lauren Morales Fernandez në maj të vitit të kaluar.
Në gjykatë, u bë e ditur se dyshja kishte mbajtur të mbyllur viktimën e tyre në Moskë dhe kërkonin një shpërblesë prej 400 dollarësh për lirimin e saj por megjithatë Alexandrov e mbyti për vdekje vajzën dhe trupin e futi në një valixhe duke e hedhur më pas në një kontjener mbeturinash .
Pas vrasjes pengmarrësi vazhdonte të negocionte lirimin e saj me mikeshën e viktimës, duke i dërguar asaj foto që kishte bërë kur e mbante vajzën të zhveshur dhe të lidhur.
Mikesha e saj po bëhej gati të dërgonte një pjesë të parave por duke kërkuar prova për mbijetesen e Morales Fernandez.
Alexandrov më pas kërcënoi se do t’i dërgonte asaj “një vesh dhe një gisht” nëse nuk paguante të gjithë shumën e kërkuar ,madje kishte thënë se do të hiqte organet e viktimës , para se të dërgonte mesazhin e fundit tragjik : “Mori fund, ajo ka vdekur”.
Autorët fillimisht dhe pse mohuan te gjitha akuzat ndaj tyre si pengmarrja dhe vrasja , ata u denuan për krimin e tyre nga gjykata .
Morales kishte lindur në Havana të Kubës dhe kishte ardhur në Moskë në nëntor të 2019, ku ajo ndante një apartament me disa mikesha të saj kubane.
