Një ditë pas takimit me Ilir Metën, ish-presidenti i Shqipërisë Bamir Topi shprehet se situata e krijuar në Shqipëri është tepër e rëndë, ndaj dhe nuk do të mbush opinionin publik me pesimizëm.
Topi ka deklaruar se situata në Gjykatën Kushtetuese është e rëndë, ndërsa ngërçi e ka origjinën nga politika.
“Situata është tepër e rëndë. Unë nuk dua ta mbush opinionin publik me pesimizëm, por po ndaj një oponion të përgjithshëm. Jemi në një situatë gati gati të pashpresë për ta zgjidhur. Sherri është fokusuar tek ky institucion i rëndësishëm si Gjykata Kushtetuese.
Gjithçka e ka origjinën nga politika. Zoti Meta më bëri një ftesë për tas shqyrtuar situatën. U njoha nga zoti Meta për situatën me detaje. Të gjithë presidentët janë të vlefshëm për të ndarë ekpseriencat e tyre”, tha Topi.
