Deputeti Tom Doshi shpreh keqardhjen për prishjen e shtëpisë së Heroit Kombëtar Prek Calit. Ai e cilëson si barbar këtë akt dhe thotë se turpëron ata që i kanë marrë votat malsorëve dhe tregon urrejtjen ndaj qëndrestarëve antikomunista si Prek Cali.
Doshi ka premtuar se do të ndërtojë shtëpinë trekatëshe të kushëririt të tij Prek Cali brenda këtij viti.
“Siç jeni informu nga media, janë prish punimet që kishin fillu për rindërtimin e shpisë së Prek Calit në Vermosh…Në veçanti më vjen keq për mundin e komunitetit shqiptar të Amerikës që kontribun financiarisht për punimet që ishin ba deri dje dhe i kerkoj falje në emën të tan shqiptarëve .
Pikërisht, ata që do të duhej ta kishin mbrojtë shtëpinë e prijësit dhe të mbrojtësit të tokave shqiptare, heroit Prek Cali, e rrafshuen edhe atë që kishte mbetë në kambë.
Ky akt barbar turpnon ata që i kanë marrë votat malsorëve dhe tregon se urrejtja ndaj qëndrestarëve antikomunista si Prek Cali nuk ka fund.
Un i premtoj mbështetësve dhe bashkëqytetarëve te mij, se shtëpia e Prek Calit do të ndërtohet ashtu siç ka kenë dikur, kurrkush nuk mund ta mposhtë kujtimin e atij burri të kombit. Unë vetë si kushri i tij, si deputet dhe si qytetar, ju jap fjalën që shtëpia e Prek Calit do të ndërtohet trekatëshe për Vitin e Skënderbeut.
Me respekt,
Tom Doshi”, ka shkruar Tom Doshi.
