Qytetarët e Pirgos në Greqi janë të tmerruar nga një person që çdo natë kërcënon kalimtarët në rrugë me sëpatë dhe sharrë. Behet me dije se, në Autoritetet Policore të Pirgos në Greqi është ngritur alarmi për të lokalizuar një burrë që raportohet se qarkullon gjatë natës, mes orës 2 deri në 5 të mëngjesit dhe ndjek qytetarët, duke mbajtur një sharrë dhe një shkop druri në dorë, madje në raporte të tjera flitet edhe për një sëpatë.
Videoja e publikuar nga mediat greke tregon burrin duke hedhur xhaketën, në orët e para të së shtunës së kaluar dhe duke ndjekur qytetarët me një send që mban në dorë që duket si shkop. Policia e ka identifikuar personin në fjalë, i cili është një i moshuar që vitet e fundit ka probleme psikologjike, ndërsa është duke u punuar për arrestimin e tij.
