SPAK ka marrë të pandehur ish kreun e bashkisë Lezhë, Fran Frrokajn dhe 10 zyrtarë të tjerë të cilët akuzohen se kanë tjetërsuar pronësinë e një sipërfaqeje toke prej 66 mijë metër katrorësh në bregdetin e Lezhës, me vlerë 13 milionë euro.
Në mesin e këtyre zyrtarëve është edhe Gjok Ndoka, xhaxhai i ish deputetit socialist për qarkun e Lezhës Arben Ndoka. Gjok Ndoka ka qenë Kryetar i Këshillit të Qarkut Lezhë në kohën e kryerjes së veprës penale, ndërsa tani akuzohet nga për veprën penale “Shpërdorimi i detyrës”.
Në fakt xhaxhai i ish deputetit socialist nuk është anëtari i vetëm i familjes që ka përfituar nga statusi i nipit të tij, pasi dhe i vëllai i ish deputeti dhe motra e tij akuzohen për tjetërsim pronash në bregdetin e Shëngjinit.
Kujtojmë se, Gjykata e Posaçme e Apelit për Korrupsionin dhe Krimin e Organizuar, ka lënë në fuqi dënimin me 13 vite burg per Gjevi Ndokën, vëllain e ish deputeti socialist, Arben Ndoka, ndërsa e motra e tij Mimoza Ndoka në shkallë të parë u dënua me 4 vite shërbim prove, ndërsa Apeli e dënoi përfundimisht, me 5 vite e 4 muaj burg.
Edhe vetë ish deputeti ishte i akuzuar për tjetërsim pronash në bregdet, por gjykata e pushoi çështjen për të në rrethana të dyshimta.
Gjithashtu, për gjykim janë dërguar Fran Frrokaj, Sokol Vocaj, Bledar Cara, Nikolin Shtjefni, Sokol Vocaj, Gjovalin Marku, Luigj Paloka, Adiona Martini, Juxhina Mema dhe Altin Mikaj.
