Pjesë e betonizimit po bëhet çdo ditë e më shumë dhe një ndër zonat e vetme që i dedikohet fushave sportive, pikërisht ajo e sportit në lagjen “21 Dhjetori”. Banorët kanë shprehur shqetësimin e tyre pasi janë vënë në dijeni se aty do të ndërtohet një pallat 11 katësh, ndërsa zona në fjalë është rrethuar dhe është gati për të nisur punimet.
Banorët shprehen se kryebashkiaku Erion Veliaj edhe pse nuk ofron alternativa të nevojshme për ta dhe fëmijët e tyre, shkatërron dhe ato pak zona që i kanë rezistuar betonizimin, duke shtuar ndotjen.
“E kam shtëpinë afër, do shembet dhe të na bëjë gjithë pluhur.”
“Veliaj i bën të gjithë gjërat në mënyrën më të padrejtë të mundshme.”
“Tirana është betonizuar, nuk ka vende ku të rinjtë të kalojnë kohën.”
“Nuk jemi dakord”, shprehen ata.
Projekti i pallatit 11 katësh sipërfaqja do të betonizohet, ndërkohë që hapëesira e gjelbërt nuk pritet të jetë aspak në proporcionin e duhur me ndotjen e shkaktuar.
