Një ngjarje e rëndë ka ndodhur mbrëmjen e djeshme në Tiranë ku një person është vrarë me armë zjarri. Ngjarja ka ndodhur në afërsi të shkollës 9-vjeçare “Emin Duraku”, rreth orës 22:20. Viktima, Elton Çiça është qëlluar nga persona ende të paidentifikuar, me dy plumba në kokë. Megjithse është transportuar me urgjencë drejt spitalit të traumës nuk ka mundur t’i mbijetojë plagëve të marra. Ende nuk dihen rrethanat në të cilat ka ndodhur vrasja, ndërkohë që forcat e policisë kanë nisur hetimet për zbardhjen e ngjarjes.
36 vjeçari është djali i Naim Çiçës, 61 vjec. Prinderit e tij u bënë pre e një grabitjeje në banesën e tyre në lagjen “Demokracia” të qytetit të Tepelenës më 31 mars 2015. Tre persona të maskuar dhe të armatosur nën kërcënimin dhe përdorimin e armëve të zjarrit, vodhën një shumë prej 5.000 euro dhe më pas u larguan duke përfituar nga errësira. Ata përdorën dhe dhunë fizike ndaj të moshuarve.
