Një 22-vjeçar ka humbur jetën pas një sherri me thikë në orët e vona të natës së djeshme.
Ngjarja ka ndodhur rreth orës 23:30 e mbrëmjes së djeshme, ku në stadiumin Dinamo, pas një sherri me dy grupesh të rinjsh, ku janë përdorur armë të ftohta, ka mbetur i plagosur, 22- vjeçari Marzi Mihali. I riu ndërroi jetë në Spitalin e Traumës.
Në lidhje me ngjarjen janë shoqëruar disa persona, ndërkohë blutë e kryeqytetit po punojnë për të zbardhur rrethanat e sherrit, i cili i mori jetën 22- vjeçarit. Dyshohet se sherri i cili i ka marrë jetën të riut ka nisur pas një konflikti të çastit.
Policia ka arrestuar si autorin e ngjarjes Eugen Bitraj, 24 vjeç dhe ka arrestuar si bashkëpunëtorë në krim Dejvi Bitraj,19 vjeç, Kridens Alla,19 vjeç, Marsel Alla, 23 vjeç, të tre banues në Tiranë.
Materialet u referuan në Prokurori, në ngarkim të shtetasve të mësipërm, për veprën penale të “Vrasjes me Dashje e kryer në bashkëpunim “ parashikuar nga nenet 76 dhe 25 e Kodit Penal.
