Një ngjarje e rëndë ka ndodhur sot në rrugën “Faik Konica”, në Tiranë ku katër punëtorë janë rrëzuar nga skela e një pallati. Si pasojë e këtij aksidenti, njëri prej tyre ka humbur jetën, kurse një tjetër punëtor mbeti nën rrënojat e hekurave. Fatkeqësisht pas disa minutash dhe prej pamundësisë për ta nxjerrë nga aty në kohë edhe ky punëtor ka humbur jetën, duke e rënduar bilancin e aksidentit në dy viktima.
Mësohet se në Spitalin e Traumës në Tiranë janë dërguar dy punëtorë. Ata janë Genti Bardhi dhe Euglidios Lika. Të dy kanë marrë plagë në gjithë trupin.
Njoftimi paraprak i Policisë së Tiranës:
Rreth orës 15:00 në rrugën e “Elbasanit” nga një ndërtesë në rikonstruksion është shkëputur një pjesë e skelës metalike.
Si pasojë e shkëputjes së skelës janë dëmtuar 4 nga punëtorët të cilët ndodheshin duke punuar pranë këtij objekti, shtetasit G. B.,44 vjeç dhe E. L.,34 vjeç janë dërguar të cilët janë dërguar në spital për ndihmë mjekësore.
Dy punëtorë të tjerë i ka zënë skela poshtë dhe në këto momente është nxjerrë turpi i pajetë njërit prej tyre.
Policia e Zjarrfiksja vijojnë punën për nxjerrjen e personit tjetër
Policia ka shoqëruar administratorin e punimeve për veprime të mëtejshme
Grupi hetimor ndodhet në vendngjarje ku po vijon punën për sqarimin e mëtejshëm të rrethanave të ngjarjes.
