Pak minuta më parë, aktivistë të Shoqërisë Civile dhe ambientalistë kanë nisur një protestë pranë sheshit “Nënë Tezeza” në Tiranë për të mbrojtur lumin Vjosa.
Në qendër të këtij sheshi është shkruar në gjuhën angleze “Vosja park kombëtar tani”.
Pritet që kësaj protestë t’i bashkohet në orën 12:00 edhe presidenti i vendit, Ilir Meta.
Muajt e fundit presidenti Ilir Meta iu është bashkuar zërave mjedisorëve duke kërkuar nga qeveria shpalljen e zonës lumore të Vjosës park kombëtar.
Lumi i Vjosës, i cili rrjedh nga mali i Pindit në Greqi dhe derdhet në detin Adriatik, ishte nën kërcënim nga disa projekte hidrocentralesh në Shqipëri, një prej së cilëve ishte ai i Kalivaçit, por që disa muaj më parë Kryeministri Edi Rama bëri me dije se qeveria e tij ka refuzuar t’i japë leje.
Në mbrojtje të lumit Vjosa ka dalë edhe aktori i njohur amerikan Leonardo DiCaprio, i cili prej vitesh është kthyer një zë i fortë i kauzave mjedisore.
