Policia ka mundur të gjejë një automjet të vjedhur një ditë më parë, por jo autorin e grabitjes.
Ngjarja ka ndodhur në afërsi të një hoteli në Tiranë, kur një person i armatosur ka qëlluar drejtuesin e një automjeti tip “Mercedes Benz ML”, duke e plagosur në këmbë. Pas kësaj, autori ka grabitur automjetin e shtetasit me iniciale Th.N.
“Nga veprimet e deritanishme të policisë dhe pikat e kontrollit të ngritura, u arrit të gjendej automjeti tip “Mercedes Benz ML”. Automjeti u gjet i parkuar dhe ne i mbyllur me çelës. Nga këqyrja e jashtme e tij nuk janë vërejtur dëmtime të mjetit. Po punohet intensivisht për identifikimin e autorit të ngjarjes”, sqaron policia.
