Policia sekuestroi 100 gram kokainë, 8.8 gram kanabis sativa
Policia arrestoi tre persona, pasi shisnin lëndë narkotike në zonat e ish bblokur dhe te Shkolla e Bashkuar në Tiranë. Në finalizimin e operacionit të koduar “Struga”, në pranga kanë vënë Antonio Ruçi, 27 vjeç nga Tirana, Fluturim Kica, 28 vjeç dhe Zulfi Ademi, 45 vjeç nga Struga. Zulfi Ademi ka qenë edhe më parë me precedent penalë pasi ishte dënuar për plagosje.
Policia ka sekuestruar 100 gram kokainë, 8.8 gram kanabis sativa, dy makina dhe 4 telefona celularë.
Operacioni u krye pas informacionit që kishte policia se këta persona në bashkëpunim më njerëz të tjerë, kryenin aktivitet të kundraligjshëm të shitjes së lëndëve narkotike, si kokainë dhe kanabis. Ata e shpërndanin lëndën narkotike në zonën e ish bllokut dhe tek Shkolla e Bashkuar në Tiranë.
