Mehmetaj: Ndihem mirë që do të përfaqësoj Shqipërinë
Nënkryetarja e LSI dhe njëkohësisht deputetja më e re në Parlamentin Shqiptar Kejdi Mehmetaj është zgjedhur zëvendës presidente e Internacionales së të Rinjve Eurosocialistë. Drejtuesit e rinj të kësaj organizate janë zgjedhur në Kongresin e Internacionales së të Rinjve Eurosocialistë (IUSY), që u zhvillua në Tiranë nga datat 25-28 shkurt. Krahas Mehmetajt kongresi ka zgjedhur President tw organizatës Howard Lee nga Malajzia, ndërsa Sekretare e Përgjithshme Evin Incir nga Suedia. “Ndihem mirë që do të kem mundësinë që ta përfaqësoj Shqipërinë më denjësisht në këtë institucion ndërkombëtar duke besuar që kështu do të shtyjmë bashkërisht zhvllimin e reformave, por edhe zhvillimin e Shqipërisë, që ndërkombëtarët ta shohin si një vend që ka mundësi që të ecë më shumë dhe më shpejt përpara”, deklaroi Mehmetaj pas zgjedhjes. Në Kongres kanë marrë pjesë mbi 55 shtete nga e gjithë bota dhe janë përfaqësuar mbi 81 organizata me një numër prej rreth 230 delegatësh. Internacionalja e të Rinjve Socialiste është organizata ombrellë ku janë të anëtarësuara 134 forume rinore politike nga 80 shtete.
