Paketa e re fiskale parashikon taksën e re për çdo ndërtim në bashkinë e Tiranës
Hyn në fuqi tarifa e re që do të paguajë kushdo ndërton në Tiranë. 1% e vlerës së investim është tarifa e re që çdo ndërtues i detyrohet bashkisë së kryeqytetit. Sipas dokumentit të Paketës Fiskale të këtij viti, tarifa do të paguhet për çdo aplikim për leje zhvillimi, infrastrukture dhe ndërtimi sipas përcaktimeve të legjislacionit në fuqi për planifikimin e terriorit, raporton Monitor.
Tarifa e re llogaritet në bazë të sipërfaqes së punimeve sipas preventivave përkatës për këto sipërfaqe. Sipas ligjit në fuqi, tarifa e re depozitohet për llogari të financimit të instrumentave vendorë të planifikimit dhe kontrollit të zhvillimit të territorit në Bashkinë e Tiranës. Në vendim thuhet se kjo tarifë paguhet brenda 5 ditëve nga data e aplikimit dhe lëshimit të autorizimit të pagesës nga Drejtoria e Përgjithshme e Planifikimit dhe Zhvillimit të Territorit. Sipas paketës së re fiskale, nëse një qytetar do të aplikojë pranë Bashkisë për të kryer punime në banesën e tij në vlerë 200,000 lekë atëherë do të paguajë 2,000 lekë.
