Një ngjarje e rëndë ka ndodhur mbrëmjen e sotme ku ish-drejtori i policisë së Vlorës Artan Çuku, është ekzekutuar me armë zjarri në zonën e Liqenit Artificial.
Bëhet me dije se ngjarja ka ndodhur në “Rrugën e Kosovarëve”, në kryeqytet. Mësohet se Çuku është qëlluar disa herë me armë zjarri në hyrjen të pallatit ku 40 vjeçari banonte.
Nga hetimet paraprake mësohet se autorët e ngjarjes kanë qënë të maskuar dhe pas atentatit ata janë larguar me motorr.
Forca të shumta policore kanë mbërritur në vendin e ngjarjes dhe kanë nisur hetimet për zbardhjen e saj.
