Dy persona ditën e premte kanë mashtruar një shtetas me inicialet A. D., pronar i një Exchange, në rrugën “Sami Frashëri”, në kryeqytet. Ata i kanë dhënë 130 mijë euro false për t’i këmbyer, shumë kjo, e cila dyshohet të jetë e falsifikuar.
Pasi pronari e ka kuptuar, ka bërë menjëherë denoncimin në polici, ku ka dhënë dëshminë e tij. Ai ka thënë në Komisariat se dy persona, për të cilët ka dhënë edhe detaje të tipareve me aq sa mbante mend, kanë këmbyer euro me prerje 500-she, 239 copë (në total 119 500 euro) dhe prerje 200-she 90 copë (në total 18 000 euro).
Policia po punon për identifikimin dhe kapjen e autorëve, të cilët do të përgjigjen për veprat penale parashikuar nga nenet 183 dhe 143 të Kodit Penal.
