Banorët e njësisë Nr1 në Tiranë kanë denoncuar deputetin socialist, Robert Bitri se po ndërton pa leje shtesën në katin e fundit të një pallati 7 katësh në pronësi të vetë deputetit.
Njëri nga banorët, i cili pretendon se është edhe pronari i truallit, është komunikuar nga vetë bashkia e Tiranës shtesa në të cilën ende vijojnë punimet është pa leje.
Ai thekson më tej se kjo çështje do të ndiqet deri në fund, duke e denoncuar fillimisht në Polici dhe Prokurori.
“Unë jam pronar i truallit dhe gjithashtu banor këtu. Kam bërë një kërkesë tek IKMT e bashkisë qëndrore, dhe më thanë se pas një muaj vjen përgjigja. Në të njëjtën kohë marr edhe policinë bashkiake, përkohësisht i ndalojnë punimet dhe sapo largohen policët, rifillojnë sërish. Këtë e kam bërë për tre herë me radhë. Ndërtesën po e bën Robert Bitri, ai është rponari. Kishte një javë ndërprerje të punimeve nuk e di për çfarë arsyeje, por që kanë nisur sërish. Po bëhet një shtesë në një pallat që është po i deputetit Robert Bitri. Ai po punon në fshehtësi. Ne do ta ndjekim këtë në rrugë gjyqësore duke e denoncuar së pari në Polici dhe në Prokurori gjithashtu. Punimet në ndërtesë kanë filluar prej rreth një muaji. Po ndërohet një kat shtesë në një pallat 7 katësh që është në pronësi të deputetit. Nuk kemi pasur asnjë përgjigje të formës së prerë zyrtare për denoncimet që kemi bërë”, tha qytetari.
