Një 18-vjeçar është plagosur me armë zjarri në zonën e Selitës në Tiranë. Ngjarja ka ndodhur rreth orës 12:45 të kësaj të premteje ndërsa konflikti ka ardhur për motive banale.
Kamioni ku ishte pasagjer Mikel Shira, i kishte zënë rrugën dy të rinjve që po lëviznin me një mjet tip “Golf 4”. “Pse ma zure rrugën?”, Kanë qenë fjalët që pasagjeri i “Golfit” i ka thënë Shirës dhe fill pas kësaj ka zbritur nga makina dhe e ka plagosur me plumb në këmbë.
Mikel Shira është transportuar menjëherë drejt spitalit ku edhe ndodhet jashtë rrezikut për jetën.
