Për të tretën ditë rradhazi Tirana zbardhet nga gazi lotsjellës, që nuk lejohet të përdoret as në luftë. Forcat e rendit e hedhin atë në mënyrë të pakursyer, duke helmuar mijëra protestues dhe qytetarë.
Nëse Edi Rama do e hidhte gazin lotsjellës në një betejë, sipas Konventës së Armëve Kimike të vitit 1993, ai do arrestohej për krime lufte.
Që kur gazi lotsjellës nisi të përdorej në Luftën e Parë Botërore për të nxjerrë ushtarët nga transhetë dhe deri ditën e sotme, ka pasur një përpjekje për të fshehur natyrën e vërtetë të kësaj lënde kimike. Disa herë madje nuk përdoret fjala “gaz”, por “tymuese”. Njerëzit harrojnë se bëhet fjalë për një armë kimike.
Sipas studiueses Anna Feigenbaum, e cila ka bërë një libër me të dhëna të detajuara për gazin lotsjellës, kjo lëndë kimike po provohet që sjell dëme të rënda në shëndet, duke nisur që nga problemet me zemrën e deri tek rreziku i shtuar ndjeshëm për sëmundjet e kancerit.
Jo vetëm kaq, por Anna Feigenbaum e quan gazin lotsjellës si agjent në shtypjen e proceseve demokratike. Feigenbaum thotë se gazi lotsjellës i bën dëm demokracisë si proces.
/syri.net/
