Read more
Tirana merr suksesin e dytë radhazi në kampionat. Bardheblutë mundën 3-0 Vorën në “Selman Stërmasi”. Ekipi i Shehit e mbylli pjesën e parë në avantazh, falë golit të Alvarez. Në pjesën e dytë, Xhixha shkëlqeu me dopietë, duke dërguar në festë tifozërinë vendase.
Tirana renditet në vendin e nëntë me 27 pikë dhe synon mbijetesën. Vora është në vendin e tetë me po aq pikë. Kjo ishte ndeshja e fundit e Superiores për javën e 29-të.
Trajneri i Tiranës, Orges Shehi u shpreh i lumtur pas fitores 3-0 ndaj Vorës.
“Kjo është pjesë e vazhdimësisë. Luajtëm ndaj kundërshtarëve direkt në renditje. Fitorja është e rëndësishme për vazhdimësinë.
Unë mendoj që jemi në rrugën e duhur, nuk duhet të personifikojmë njerëz, aq më tepër veten. Skuadra ka qasje tjetër dhe konfigurim ndryshe. Mendoj se është e meritë e të gjithë djemve, që janë të vëmendshme dhe kanë dëshirë me uri për të shkuar te rezultati pozitiv”, tha Shehi.
Trajneri i Vorës, Arjan Bellai tregoi këndvështrimin e tij pas humbjes 3-0 ndaj Tiranës.
“Nuk funksionoi asgjë. Është e dhimbshme. E meritoj Tirana fitoren. Humbja më e keqe për ne, pësuam 3 gola. Me të gjitha ekipet kemi luajtur majë për majë. Tirana është Tirana. Pas ndeshjes me Partizanin, e morëm me lehtësi. Më mirë te kishim marrë pikë sot, sesa ndaj Partizanit. Gjatë gjithë janëvs kemi punuar për intesitetin. Ishim gjatë gjithë kohës me vonëse. Vrapi është mungesë e konsiderueshme, sikurse Mario e Kasalla. Ata janë si trajner brenda fushës për ne. Na mungoi agresiviteti. Futëm futbollistë që kishin 3 muaj pa luajtur. Gabimet tona te intesiteti ndikoi tej mase. Vigjilenca, ku ksihim synim për të barauzar shepjtë, nuk dha rezultat”, tha Bellai.
gijotina.com/
