Bashkia e Tiranës po synon të kthejë në traditë pastrimin e Tiranës përmes aksioneve të pastrimit në çdo lagje.
Bashkia bënë thirrje që qytetarët të mbajnë pastër ambjentin ku jetojnë, pasi Bashkia e vetme nuk mund të veprojë pa patur aleatë banorët.
“Ne e kemi nisur me njësinë 5 si njësia më e madhe administrative dhe do të vazhdojmë me 24 njësitë administrative të qytetit të Tiranës”, tha Ilir Thartori.
“Hedhja e mbeturinave vend e pa vend nuk varet nga bashkia Tiranë, por varet nga vetë qytetarët. Prandaj u bëj thirrje qytetarëve që përsa kohë paguhen me taksë pastrimi duhet që plehrat ti çojmë në vendin e duhur, në koshin e duhur dhe jo ti hedhim vend e pa vend nga dritaret apo ballkonet”, tha Violeta Kila.
Qëllimi i këtyre iniciativave është të shtrihen në të gjithë qytetin. Kur të paktën një herë në javë, kryeqyteti të përfshihet në aksione vullnetare pastrimi. Njësia administrative nr.5 numëron mbi 100 mijë banorë, nga të cilët 85 mijë janë rezident të regjistruar, ndërsa 30 mijë banorë të përkohshëm.
