Erjon Hoxhallari e konsideron një luftë të vërtetë ndeshjen derbi mes Tiranës dhe Partizanit. Për “Panorama Sport”, ish-kapiteni i bardhebluve tha se shpreson që Tirana të fitojë titullin dhe derbin. Nga ana tjetër, Hoxhallari analizoi sfidën e katërt derbi dhe dha mendimin e tij se bardheblutë mund t’i marrin të tre trofetë.
E keni ndjekur Tiranën gjatë këtij viti. Si e shihni Tiranën në vendin e parë?
Po, e kam ndjekur kur kam pasur mundësi. Mendoj se është duke bërë mirë në kampionat dhe duke treguar qe e meriton vendin e parë në Superiore.
Sipas jush, ka ndikuar humbja me Teutën dhe fakti që tani është dy pikë nga Partizani?
Nuk besoj që humbja me Teutën do të ndikojë në derbin me Partizanin. Kjo, pasi derbi mund të them që është një kampionat më vete dhe nuk ndikohet aspak nga ajo humbje.
Në këtë sezon, bardheblutë janë mundur dy herë nga Partizani. Mund ta fitojë derbin e radhës ekipi i Tiranës?
Normalisht që kanë mundësinë për ta fituar këtë ndeshje dhe për t’u shkëputur akoma më shumë duke parë që Tirana nuk është mundur në dy ndeshje radhazi. Do të jetë një ndeshje shumë e luftuar. Për këtë jam shumë i sigurt.
Nga skuadra kanë ikur Xhixha, ju, Batha dhe Muçi, si dhe mungojnë disa lojtarë. Cili nga lojtarët mund ta vendosë derbin?
Unë mendoj se të gjithë i kanë mundësitë për ta vendosur, por në veçanti kam besim te dy lojtarë. Tek Abazaj dhe te Haxhiu që janë dy lojtarë, të cilët kanë aftësi për ta vendosur këtë derbi në fushën e lojës.
Tiranës i mungojnë pesë titullarë në këtë derbi. Do të ndikojë te ndeshja, sidomos mungesa e Hasanit dhe Patrikut?
Normalisht kur nuk je me organikën e plotë ndihen mungesat. Të të mungojë golashënuesi me i mirë i ekipit dhe golashënuesi i kampionatit është normale t’ia ndiesh mungesën, por unë kam besim që lojtarët, të cilët do të jenë në fushë dhe do t’i zëvendësojnë, do të bëjnë më të mirën e tyre.
Cila është arma e fortë dhe e dobët e Tiranës në prag të kësaj sfide me Partizanin?
Arma më e fortë është sepse janë dy pikë para, ndërsa arma më e dobët mund të them është stoli i rezervave.
Cila është arma më e fortë dhe e dobët e Partizanit në prag të sfidës me Tiranën?
Arma më e fortë e Partizanit është se ka një grup me lojtarë të rinj dhe janë të uritur. Dhe arma më e dobët është mungesa e eksperiencës kur u duhet rezultati.
Ju jeni nga ata që keni shënuar në derbi. Si është ndjesia e një goli në këtë takim?
Po, është e vërtetë që kam shënuar në derbi dhe ka qenë një ndjesi e veçantë. Por ndjesia është akoma më e veçantë ta fitosh derbin.
Është derbi ndeshja që vendos titullin kampion nëse Tirana fiton ose barazon?
Unë besoj që derbi të jep një dorë për të shkuar drejt titullit, por janë dhe 3 jave për të luajtur. Pas ndeshjes duhet të vazhdosh kampionatin, sepse diferencat e ekipeve, siç i kemi parë, nuk janë të mëdha. Mund të fitosh në derbi dhe të mundesh ndeshjet e ardhshme. Këtu duhet pasur kujdes.
Tirana është e para në kampionat, ka fituar Superkupën dhe është në finalen e Kupës. Ka shansin t’i fitojë të tre trofetë?
Normalisht që ka shanse t’i fitojë të tre trofetë, pasi çdo gjë është në dorën e vet për t’i fituar të tria kupat dhe e ka treguar me meritë që pas fitimit të Superkupës shkoi deri në finale të Kupës dhe udhëheq kampionatin.
Si po shkon aventura juaj jashtë vendit. Keni shënuar edhe gol në ndeshjen e fundit?
Aventurën time në Rumani mund ta quaj pozitive. Deri tani jam duke luajtur dhe shpresoj që të arrijmë objektivin për të qëndruar në ligë./PanoramaSport
Erjon Hoxhallari e konsideron një luftë të vërtetë ndeshjen derbi mes Tiranës dhe Partizanit. Për “Panorama Sport”, ish-kapiteni i bardhebluve tha se shpreson që Tirana të fitojë titullin dhe derbin. Nga ana tjetër, Hoxhallari analizoi sfidën e katërt derbi dhe dha mendimin e tij se bardheblutë mund t’i marrin të tre trofetë.
E keni ndjekur Tiranën gjatë këtij viti. Si e shihni Tiranën në vendin e parë?
Po, e kam ndjekur kur kam pasur mundësi. Mendoj se është duke bërë mirë në kampionat dhe duke treguar qe e meriton vendin e parë në Superiore.
Sipas jush, ka ndikuar humbja me Teutën dhe fakti që tani është dy pikë nga Partizani?
Nuk besoj që humbja me Teutën do të ndikojë në derbin me Partizanin. Kjo, pasi derbi mund të them që është një kampionat më vete dhe nuk ndikohet aspak nga ajo humbje.
Në këtë sezon, bardheblutë janë mundur dy herë nga Partizani. Mund ta fitojë derbin e radhës ekipi i Tiranës?
Normalisht që kanë mundësinë për ta fituar këtë ndeshje dhe për t’u shkëputur akoma më shumë duke parë që Tirana nuk është mundur në dy ndeshje radhazi. Do të jetë një ndeshje shumë e luftuar. Për këtë jam shumë i sigurt.
Nga skuadra kanë ikur Xhixha, ju, Batha dhe Muçi, si dhe mungojnë disa lojtarë. Cili nga lojtarët mund ta vendosë derbin?
Unë mendoj se të gjithë i kanë mundësitë për ta vendosur, por në veçanti kam besim te dy lojtarë. Tek Abazaj dhe te Haxhiu që janë dy lojtarë, të cilët kanë aftësi për ta vendosur këtë derbi në fushën e lojës.
Tiranës i mungojnë pesë titullarë në këtë derbi. Do të ndikojë te ndeshja, sidomos mungesa e Hasanit dhe Patrikut?
Normalisht kur nuk je me organikën e plotë ndihen mungesat. Të të mungojë golashënuesi me i mirë i ekipit dhe golashënuesi i kampionatit është normale t’ia ndiesh mungesën, por unë kam besim që lojtarët, të cilët do të jenë në fushë dhe do t’i zëvendësojnë, do të bëjnë më të mirën e tyre.
Cila është arma e fortë dhe e dobët e Tiranës në prag të kësaj sfide me Partizanin?
Arma më e fortë është sepse janë dy pikë para, ndërsa arma më e dobët mund të them është stoli i rezervave.
Cila është arma më e fortë dhe e dobët e Partizanit në prag të sfidës me Tiranën?
Arma më e fortë e Partizanit është se ka një grup me lojtarë të rinj dhe janë të uritur. Dhe arma më e dobët është mungesa e eksperiencës kur u duhet rezultati.
Ju jeni nga ata që keni shënuar në derbi. Si është ndjesia e një goli në këtë takim?
Po, është e vërtetë që kam shënuar në derbi dhe ka qenë një ndjesi e veçantë. Por ndjesia është akoma më e veçantë ta fitosh derbin.
Është derbi ndeshja që vendos titullin kampion nëse Tirana fiton ose barazon?
Unë besoj që derbi të jep një dorë për të shkuar drejt titullit, por janë dhe 3 jave për të luajtur. Pas ndeshjes duhet të vazhdosh kampionatin, sepse diferencat e ekipeve, siç i kemi parë, nuk janë të mëdha. Mund të fitosh në derbi dhe të mundesh ndeshjet e ardhshme. Këtu duhet pasur kujdes.
Tirana është e para në kampionat, ka fituar Superkupën dhe është në finalen e Kupës. Ka shansin t’i fitojë të tre trofetë?
Normalisht që ka shanse t’i fitojë të tre trofetë, pasi çdo gjë është në dorën e vet për t’i fituar të tria kupat dhe e ka treguar me meritë që pas fitimit të Superkupës shkoi deri në finale të Kupës dhe udhëheq kampionatin.
Si po shkon aventura juaj jashtë vendit. Keni shënuar edhe gol në ndeshjen e fundit?
Aventurën time në Rumani mund ta quaj pozitive. Deri tani jam duke luajtur dhe shpresoj që të arrijmë objektivin për të qëndruar në ligë./PanoramaSport
