“E pavërtetë ajo që thuhet se ky vend s’ka të rinj”
“Tirana Art Fest” është projekti më i fundit I Bashkisë së Tiranës, i cili u kushtohet posaçërisht të rinjve. Për kryebashkiakun Erion Veliaj ky project përveç gjallërimit të jetës artistike të Tiranës është edhe një mundësi shumë e mirë për të gjithë ata të rinj që do të duan të spikasin me talentin e tyre. Në prezantimin e projektit Veliaj tha: “Asnjë gjë që ju shikoni sot me njerëz të suksesshëm nuk kanë fillar kur kanë qenë 40-50 vjeç. Kanë fillar që në gjimnaz. Unë besoj se secili prej tyre është padyshim një nga më të mirët në fushën e vet. Besomëni, por lënë dicka më të rëndësishme, ndoshta që i paguan shumë mirë për tu marrë me dicka që e konsiderojnë kontribut për qytetin. Unë dua shumë që Tirana Art Festival të jetë edhe një kontrast me atë që po ndodh në Shqipëri. Ju e dini që ka shumë mënyra për të qenë i famshëm ose famkeq. Dikush mund të bëhet famkeq nëse mendon se roli i një të riu është të mbajë një kobure ne brez dhe të zihet me policët. Ky është një vend ku njerëzit thonë këtu nuk bëhet, këtu s’ka të rinj, por kjo nuk është e vërtetë”. “Tirana Art Fest” është konceptuar si një garë mes 14 shkollave të mesme publike të qytetit të Tiranës. Muzika, kërcimi, multimedia dhe teatri janë drejtimet ku të rinjtë do të mud të shprehin talentine tyre.
