Peza: U zgjodh me shumicë të cilësuar që do të thotë e ka votuar edhe opozita
Radio Televizioni Shqiptar tashmë ka një drejtues të ri. Pas votimeve të sotme Këshilli Drejtues i Radio Televizionit Shqiptar zgjodhi Thoma Gëllçin, Drejtor të Përgjithshëm të RTSH-së. Në mbledhjen e Këshillit drejtues, Gëllçi mori 7 vota kundrejt 4 të marra nga Petrit Malaj. Në lidhje me zgjedhjen e Gellçit në krye të RTSH-së ka folur edhe nënkryetari i komisionit të medias Alfred Peza i cili tha se drejtori i ri u zgjodh me konsensus duke treguar qartë me numër votash se ai është më ideali për të drejtuar këtë institucion.
“Thoma Gëllçi mori 7 vota dhe Petrit Malaj 4 vota. Ai u zgjodh me shumicën e cilësuar të votave të anëtarëve të këshillit drejtues të RTSH-së pavarsisht se për atë mjaftonte edhe shumica e thjeshtë e votave. Çka tregoi se ai ka marë mbështetje edhe nga opozita” tha Peza.
