“U bë nënkryetar i Kuvendit, sapo u zgjodh Idrizi ky na dha dorëheqjen dhe tani ky që nuk bashkëjetonte dot me çamët në parlament na del këtu dhe thotë unë dhe Dashi do bëjmë Republikën e Re.”
Kryeministri Rama ishte sot në Xarë të Sarandës nga ku dhe ka bërë një deklaratë të ashpër kundër Vangjel Dules, kryetarit tw PBDNJ-së, duke e cilësuar atë si nxitës të sherrit etnik dhe aspak mbrojtës i të drejtave të minoriteteve. Rama merr shkas nga dalja e Dules në fushatë në të njëjtën listë me Dashamir Tahirin, (që pretendon vota të Çamërisë për të nxjerrë deputet Dulen) dhe thotë se “me Dashin do bëjmë Republikën e Re”. Rama është kthyer pas në kohë kur Vangjel Dule dha dorëheqje si nënkryetar Kuvendi vetëm se në të njëjtin post u zgjodh edhe kreu i PDIU-së Shpëtim Idrizi. Dule tha në atë kohë se nuk bashkëjetonte në të njëjtin pozicion me çamët dhe pikërisht këtë qëndrim ia përplas sot kryeministri Rama kur i thotë se si mund ta bëjë “Republikën e Re me një çam“.
Deklarata
Si mund ti jepet votë Vangjel Dules, mund të ma thoni këtë? Se shiko sa e komplikuar është vota për Vangjel Dulen, se t’ja japësh votën Vangjel Dules duhet të shkohesh njëherë te PD. PBDNJ, lufta për tu bashkuar për të drejtat e njeriut iku me prodhimet e kalbura, mbeti vetëm Vangjeli që do karrige në Parlament. Ky vangjeli u nderua nga PS sic nuk është nderuar asnjë përfaqësues i minoritet në 27 vjet.
U bë nënkryetar i kuvendit, sapo u zgjodh Idrizi ky na dha dorëheqjen, ç’punë kishte ky, ku përfaqëson minoritetin. Se ky do ta caktojë se kush janë të tjerët, se ky do ti verë kushtet. Dhe pse dha dorëheqje?! Se nuk bashkëjetonte dot me çamet. Vangjel Dulja! Secili është përfaqësues i atyre që përfaqëson, pse duhet të ikte ky nga nënkryetar Kuvendi? Dhe tani ky që nuk bashkëjetonte dot, ndërkohë që nuk ishte nevoja për bashkjetëse se ky kishte nderin e vet, ai tjetri të vetin dhe tani na del këtu dhe thotë unë dhe Dashi do bëjmë Republikën e Re. Asnjë votë Vangjel Dules, asnjë votë Vangjel Dules se është vota një verbërie të pashoqe. Ai duhet të përfaqësonte minoritetin, nevojat. 44 muaj kryeministër ky njeri nuk ka ardhur të më kërkojë një investim, të më kërkojë një zgjidhje për një problem njerëzish. Vetëm në parlament për të nxitur sherr etnik, konflikte për të folur për gjëra që nuk kanë çi duhen fare Vangjelit. Tani do votën nga minoriteti për Dashin e Havasë.I dëgjoni ju partitë e tjera. Do rrëzojmë ligjet për arsimin thonë. Duan të rrëzojnë ligjin e arsimit të lartë sepse nuk futin më duart, nuk bëjnë dot qoka, nuk u japin dot më vende nëpër auditprë të rinjëve që iu bëjnë lavazh trurit dhe pastaj i veshin bluzën e partisë. Prandaj duan ta rrëzojnë ligjin. E cili prind e do këtë për fëmijën e vet. Cili prind e do për fëmijën e vet që për të marrë atë që meriton duhet të kalojë nga zyrat e partive dhe të veshi fanelën e partive dhe të ulet në bankës e shkollës. Do votojmë për tifozllëk apo për interesin e fëmijëve. E kuptoni cfarë kërcënimi është që nëse PS nuk ka timonin e vetme do të jemi nën shantazh për të anuluar ligjin e arsimit të lartë që është një nga sukseset më të mëdha, historike.”, -tha Rama.
