Pasi theu rregulloren duke mos u paraqitur në skuadër pas ndeshjes me Kombëtaren, Portieri Alban Hoxha ka reaguar duke kërkuar falje dhe duke hequr dorë nga shiriti i kapitenit.
Hoxha gjithashtu ka deklaruar se ky do të jetë një shembull për të gjithë.
Deklarata e Hoxhës
“Klubi ka vendosur një rregullore të brendshme, të cilën unë dhe shokët e mi duhet ta respektojmë. Kur kjo rregullore nuk respektohet unë marr përsipër përgjegjësitë. I kërkoj falje klubit, stafit teknik dhe shokëve të skuadrës. Për këtë arsye dorëzoj edhe shiritin e kapitenit për të dhënë shembull për të gjithë. Jam gati të rikthehem në vendin tim, pranë skuadrës dhe të jem në dispozicion të klubit, trajnerit dhe ekipit për të mirën e Partizanit.”
