Policia e Londrës qëlloi për vdekje një person në urën e kryeqytetit britanik, pas një incidenti që ndodhi sot, ku mbetën të plagosur së paku 5 persona.
Mediat britanike raportojnë se ngjarja po trajtohet si një akt terrorist. Ngjarja e rëndë ndodh rreth orës 2 të ditës së sotme, ndërsa në pamjet e mëposhtme shihet momenti kur policia qëllon për vdekje agresorin.
Pasi e kapën, policët britanikë u bënë thirrje njerëz përreth që të largohen dhe më pas e qëlluan për vdekje me armë zjarri në mes të Londrës.
Policia britanike tha se 5 njerëz janë plagosur dhe se një person është arrestuar, pas një sulmi me thikë pranë urës së Londrës.
