Zotëria në foto dje shihej i larë në gjak gjatë protestës së opozitës. Pati zëra që thonin se ishte i lyer me bojë, por sot dalin pamjet e tij dhe jo vetëm që janë dhunuar pa pikë mëshire nga policia.
Ish-kryeministri Sali Berisha denoncon në rrjetet sociale duke dhënë këto dëshmi të tmerrshme.
“Dhunë kriminale e narkogangsterëve të Edvin Krimit dhe Vasal Kimikut! Kriminelë të narkopolicisë civile kanë goditur me qytë revolveri dhe shkaktuar plagë të rëndë në kokë, në hundë, në nofull dhe trup, protestuesit paqësorë, Ymer Çela dhe djalin e tij Erjon Çela. Duke dënuar me ashpërsinë më të madhe këto akte brutale të gangsterëve të narkoshtetit, i them Edvin Krimit dhe Vasal Kimikut: do të mbani personalisht përgjegjësi për këto krime të shëmtuara”, – shkruan Berisha.
