Kryetari i Partisë Demokratike Shqiptare, Menduh Thaçi tha se gjatë takimit me Mogerinin, qëndrimi ynë ishte se veprimi i Ivanovit vetëm se i vërtetoi tezat politike të Partisë Demokratike Shqiptare, platformës dhe programit të kësaj partie.
Pas takimit me përfaqësuesen e lartë për politikë të jashtme të Bashkimit Evropian, Federika Mogerini,Thaçi e cilësoi si skandaloz vendimin e presidentit Ivanov, për të mos ia dhënë mandatin shumicës parlamentare.
“Ai mirë bëri pasi neve shqiptarëve na rikujtoi se ne duhet të kërkojmë ndryshimin e rendit kushtetues, sigurisht për ata që kanë qenë skeptik se kështu nuk mund të vazhdohet. Patjetër që shqiptarët duhet të arrijnë që të krijojnë mekanizmin e vendimmarrjes që ta kenë të barabartë me maqedonasit”, tha Thaçi.
Në lidhje me Platformën Shqiptarë Thaçi tha se, po bëhet lojë politike dhe se edhe ata që kërkojnë të drejta për shqiptarët nuk kërkojnë sa duhet, por edhe ata që japin të drejta, nuk japin sa duhet.
