Një ngjarje e rëndë është shënuar mbrëmjen e sotme në Vlorë. Burime nga policia bëjnë me dije se një 50-vjeçar është konfliktuar me bashkëshorten në sy të fëmijëve. Ngjarja ka ndodhur konkretisht në fshatin Kaninë rreth orës 21:45.
50-vjeçari me inicialet V.H pasi është konfliktuar me bashkëshorten ka qëlluar me armë zjarri në ajër.
Ngjarja ka ndodhur në sy të dy fëmijëve të mitur, ndërsa krismat janë dëgjuar dhe në zonë.
Nga verifikimet e bëra nga shërbimet e Policisë, nuk ka persona të dëmtuar. Janë ngritur pika kontrolli dhe vijon krehja e zonës për kapjen e autorit.
Pritet të zbardhen detaje pas marrjes në pyetje te bashkëshortes me iniciale L.H., për të mësuar motivin e ngjarjes. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
