Rreth 30 persona të lënduar gjatë përplasjeve mes tifozëve mbrëmjen e djeshme kanë përfunduar në spitalin universitar të Traumës.
Burime bëjnë me dije se 20 prej tyre janë efektivë policie. Kanë pasur kryesisht dëmtime të lehta. Janë trajtuar, observuar dhe më pas përcjellë me këshillat përkatëse. Aktualisht në spital nuk ndodhet asnjë i dëmtuar.
Në orët e para të mëngjesit të sotëm janë kthyer mbrapsht drejt Italisë rreth 80 tifozë problematikë, të cilët u identifikuan në bashkëpunim me Interforcën dhe ambasadën italiane. Vendimi për largimin nga vendi të tifozëve problematikë erdhi pas akteve të dhunshme të tyre në zona të ndryshme të kryeqytetit.
Mëngjesin e sotëm pritet të mbërrijnë në Durrës të tjerë tifozë me tragetet e Barit dhe Ankonës, ndërsa në port ka prani të shtuar të forcave policore.
