Një tërmet me përmasa katastrofike goditi Kinën, duke lënë 7 të vdekur në qytetin Sichuan. Mediat vendase raportojnë se lëkundjet sizmike, 6.8 ballë kanë shkaktuar rrëshqitje dherash në qytet dhe kanë shkaktuar panik tek banorët e qytetit që ndodhen në izolim nga Covid-19.
Sichuan, i cili ndodhet në buzë të Rrafshnaltës Tibetiane ku takohen pllakat tektonike, goditet rregullisht nga tërmetet. Dy tërmete në qershor vranë katër persona.
Autoritetet raportuan shtatë vdekje, rrëshqitje dheu dhe dëmtime në shtëpi dhe ndërprerje të energjisë, tha transmetuesi shtetëror CCTV. Një rrëshqitje e dheut bllokoi një autostradë rurale, duke i lënë inertet të shpërndara, tha Ministria e Menaxhimit të Emergjencave.
Tërmeti u ndje 200 kilometra larg në kryeqytetin e provincës, Chengdu, ku një shpërthim COVID-19 ka kufizuar jetën e 21 milionë banorëve sipas politikës së rreptë të Kinës “zero-COVID”.
Tërmeti më vdekjeprurës i Kinës në vitet e fundit ishte një tërmet me magnitudë 7.9 në vitin 2008 që vrau afro 90,000 njerëz në Sichuan. Tërmeti shkatërroi qytete, shkolla dhe komunitete rurale jashtë Chengdu, duke çuar në një përpjekje shumëvjeçare për të rindërtuar me materiale më rezistente.
