Prej dy ditësh, Korça është tronditur nga lëkundjet e njëpasnjëshme të termetit të cilat kanë shkaktuar shembjen e disa shtëpive dhe plagosjen e banorëve.
Ndërkohë banorët e Floqit kërkojnë që të shpallet gjendja e emergjencës një kërkesë kjo që është refuzuar derimë tani nga autoritetet shtetërore.
Banorët shprehen se kushtet e siguruara nga forcat e emergjencës janë skandaloze. Ata thonë se kanë ftohtë dhe nuk mund të qendrojnë nëpër çadra gjatë natës.
Sipas banorëve qëndrojnë mbi 25 persona në një çadër dhe nuk janë furnizuar me ushqime dhe shtretër për të fjetur. Rreth 200 banorë janë strehura nëpër çadra të ngritura nga Forcat e Armatosura dhe Emergjencat Civile.
