Klubi i Juventusit është përfshirë në një kaos të madh thuajse si në periudhën e “Calciopoli” për shkak të zbulimit që është bërë për fryrjen dhe mashtrimin me bilancet financiare të bardhezinje në vite.
Një mënyrë menaxhimi që ka filluar që kur drejtimin e klubit e ka marrë Andrea Anjeli, i cili tashmë ka dhënë dorëheqjen nga posti i presidentit.
Shkeljet e panumërta që po hetohen si nga drejtësia civile, ashtu edhe nga drejtësia sportive, sipas asaj që aludohet në media të ndryshëm sportive italiane, mund të sjellin si dënim edhe revokimin e titujve kampion radhazi të fituar nga viti 2012, deri në vitin 2020, në atë që ishte seria më e suksesshme e një klubi në historinë e futbollit italian.
Nëse gjërat do të rrjedhin njëlloj si me procesin e “Calciopoli”, atëherë titujt do t’u kalonin skuadrave të renditura të dytat në Serinë A në ato vite si më poshtë:
11-12 Milan
12-13 Napoli
13-14 Roma
14-15 Roma
15-16 Napoli
16-17 Roma
17-18 Napoli
18-19 Napoli
19-20 Inter
