Zhvillime të rëndësishme pritet të ndodhin në kampin rozë, ku mësohet se do të ketë ndryshime të furishme në qeveri. Burime për A2 CNN bëjnë me dije se nesër pritet të ketë ndryshime të disa ministrave në kabinetin e tretë qeveritar të kryeministrit Edi Rama.
Sipas të dhënave, emrat që lakohen se do të largohen nga kabineti qeveritar janë ato të ministres së Bujqësisë, Frida Krifca dhe ajo e Financave, Delina Ibrahimaj, të cilat kanë qenë në qendër të kritikave nga publiku për shkak të deklaratave publike dhe rritjes së çmimeve.
Megjithatë, pritet që këto ndryshime të zyrtarizohen ditën e hënë nga kryeministri Edi Rama, ku kriza me çmimet dhe protestat kanë tronditur themelet e qeverisë.
