Ndërron jetë 50-vjeçari Faik Perkoxha, i cili u bë i njohur pak ditë më parë në media për shkak të veprimit të tij, tek tërhiqte zvarrë me makinë qenin në rrugë.
Ai u filmua në Sukth të Durrësit, teksa tërhiqte zvarrë me makinë qenin, ndërsa pasi rasti u bë publik u shoqërua nga policia dhe u procedua penalisht.
Dje, ai ka ndërruar jetë. Policia thotë se Perkoxha nga Sukthi ishte në shtëpinë e një miku të tij në Dibër, kur i ra infarkt. Pavarësisht se u transportua në spitalin e Peshkopisë nga familjarët, ai nuk arriti që të mbijetonte duke ndërruar jetë.
