Në fund fitojnë tifozët.
Liverpuli është tërhequr nga projekti për rritjen e çmimit të biletës për tifozët.
Në ndeshjen e fundit ndaj Sandërlend, 10 mijë tifozë janë larguar në minutën e 77 për të protestuar kundër rritjes së çmimit të biletës deri në 77 sterlina.
Protesta ka dhënë frytet e veta dhe Liverpul ka vendosur të bëjë një hap prapa, duke i kërkuar ndjesë tifozëve nëpërmjet një komunikate në faqen e tyre zyrtare të internetit.
“Në emër të të gjithë ‘Fenway Sports Group dhe Liverpool Football Club’, ju kërkojmë ndjesë për mërzinë që ju kemi shkaktuar nga plani ynë mbi çmimin e biletës për sezonin 2016/17.
Nuk është e vërtetë që jemi lakmitar dhe nuk na interesojnë tifozët tanë, përkundrazi.
Nuk i kemi marrë asnjëherë asnjë qindarkë klubit, objektivi ynë i vetëm është të risjellim Liverpul në majat e futbollit.
Mesazhi u morr e pas një periudhe këshillimi kemi vendosur që çmimi të mbete i njëjtë me atë të sezonit aktual”, thuhet në reagimin e klubit.
