Ministri i Jashtëm Gent Cakaj në një deklaratë për mediat e ka përgënjeshtruar lajmin se delegacionin e vëzhgimit që ishte programuar për zgjedhjet e 30 Qershorit në Shqipëri është anulluar.
Sipas Cakajt, arsyeja e mosardhjes së vëzhguesve të huaj është rreziku që vjen nga partitë politike që kanë braktisur kuvendin.
Cakaj shprehet se SHBA, BE, OSBE por edhe vetë KiE kanë pranuar 30 qershorin si datë për zgjedhjet lpkale.
Ai shprehet i bindur se zgjedhjet e 30 qershorit nuk do të shtyhen dhe zgjedhjet e përgjithshme do të mbahen në vitin 2021.
“Komunikimi i djeshëm nga kongresi nuk përbën qëndrim zyrtar të Këshilllit të Europës. Kongresi i autoritetit lokal dhe rajonal nuk ka mbajtur asnjë deklaratë për mohim të së drejtës për ushtrimin e zgjedhjeve të 30 qershorit. Kjo shfaqe padituri elementare dhe dashakeqësi me një përpjekje për të deligjitimuar procesin zgjedhor. Arsyeja që paralajmëron ajo organizatë sidoqoftë është rreziku që vjen në disa bashki nga disa parti që kanë braktisur kuvendin.
Sipas kongresit zgjedhjet duhet të mbahen. OSBE dhe ODHIR kanë vendosur vëzhguesit e tyre. Ato janë shprehur vazhdimisht kundër dhunës kundër opozitës. Kjo mbase është një nevojë jetike për Shqipërinë. SHBA, BE dhe OSBE por edhe vetë KiE kanë pranuar 30 qershorin si datë për zgjedhjet lokale të 30 qershorit. Ky proçes nuk është për tu vënë asnjëherë në pikëpyetje. E vërteta mbetet vetëm një, zgjedhjet do të bëhen në 30 qershor në përputhje të legjislacionit përkatës. As Shqipëria nuk do të kthehet ne vitit 97, as zgjedhjet e 30 qershorit nuk do të shtyhen dhe zgjedhjet e përgjithshme do të mbahen në vitin 2021″, tha Cakaj.
