Një 45- vjeçar është tentuar të vritet sot në Tiranë. Burime policore bëjnë me dije se janë arrestuar vëllezërit e identifikuar me iniciale A. D., 23 vjeç dhe E. D., 26 vjeç, banues në Selitë, pasi gjatë një konflikti për motive të dobëta, në rrugën “Prokop Mima”, kanë tentuar të vrasin me mjet prerës V. M., 45 vjeç, banues në Selitë.
Dy vëllezërit e arrestuar pritet të përballen me akuzën për veprat penale “Vrasja me dashje”, e kryer në bashkëpunim mbetur në tentativë dhe “Prodhimi, mbajtja, blerja, apo shitja pa leje e armëve të ftohta”.
Në cilësinë e provës materiale u sekuestrua mjeti prerës (thika).
