Një punonjës i policisë së Kosovës ka rënë në prangat e Inspektoriatit Policor të Kosovës (IPK) pasi tentoi t’i merrte ryshfet një qytetari. Sipas IPK, zyrtari i policisë i ka kërkuar shumën prej 800 eurosh një qytetari duke i premtuar që do t’i mundësonte kalimin e provimin për patentë shoferi për kategorinë “B” në mënyrë të kundërligjshme.
Të dyshuarit i është caktuar masa e ndalimit për 48 orë, ndërsa IPK ka dhënë edhe rekomandimin për pezullimin e tij nga detyra. Ende nuk bëhet me dije emri i zyrtarit të policsë.
