Është arrestuar në Lushnje, shtetasi Bardhok Planaj, pasi theu masën e sigurisë “arrest shtëpie”.
Pllanaj akuzohet për: “Pastrim parash”, “Falsifikim dokumentesh” dhe “Ndërtim pa leje”.
Ai është person me precedent të theksuar kriminal dhe njihej si një nga të fortët e Shkodrës ose “Kumbari” i Shkodrës.
Planaj është arrestuar në Lushnjë mesditën e sotme, nga Policia e Shkodrës në bashkëpunim me Policinë e Lushnjës pas informacionit të marrë nga Policia e Shkodrës se Planaj kishte thyer masën e sigurisë ‘Arrest në shtëpi’ dhe kishte udhëtuar në drejtim të Lushnjës..
Më datë 03.12.2018 nga Prokuroria pranë Gjykatës së Shkallës së Parë Shkodër është lëshuar urdhër-ekzekutimi në bazë të vendimit penal nr.1168, datë 29.11.2018, në të cilin është vendosur masa e sigurisë ‘Arrest në burg’ për shtetasin Bardhok Planaj për veprat penale ‘Pastrim i produkteve të veprës penale’, ‘Falsifikimi i vulave dhe stampave’ dhe ‘Ndërtim i paligjshëm’.
Planaj është vënë në pranga disa muaj më parë.
Sot seksioni për Hetimin e Krimit Ekonomik-Financiar, në bashkëpunim me Forcat e Ndërhyrjes së Shpejtë Shkodër. ushtroi kontroll në banesën e shtetasit Bardhok Planaj, i cili ishte me masë sigurie ‘Arrest në shtepi’, por nuk u gjet në banesë.
Policia e Shkodrës e shpalli në kërkim dhe pas informacioneve të marra, në bashkëpunim me Policinë e Lushnjës bëri kapjen dhe arrestimin në qytetin e Lushnjës të shtetasit Bardhok Planaj, për veprën penale ‘Largimi i të burgosurit nga vendi i qëndrimit’.
Policia e Shkodrës arreston 44-vjeçarin Bardhok Pllanaj, i cilësuar si ‘Kumbari’ i Shkodrës. Ndaj Pllanajt, gjykata pranoi kërkesën e prokurorisë për masën arrest në burg në mungesë për 3 akuza: ‘Pastrim parash’, ‘Falsifikim dokumentesh’ dhe ‘Ndërtim pa leje’. Disa orë më pas, policia e arrestoi 44-vjeçarin, pasi dyshohet se ka ndërtuar një pallat 10-katësh me para nga burime kriminale dhe pa leje ndertimi.
