Deputeti i Partisë Demokratike, Alfred Rushaj ka shkuar në lagjen “5 Maji” në mbështetje të banorëve, shtëpitë e të cilëve po shemben në mënyrë barbare nga policia e Tiranës me urdhër të Erion Veliajt.
Pranë banorëve, Rushaj u shpreh se që para një viti i kanë bërë kërkesë Bashkisë që të dëgjojë kërkesat e banorëve, por situata e tensionuar ditën e sotme me polici është përgjigja e vetme që kanë marrë.
“Unë kam ardhur edhe para një viti. Jemi munduar të mos e bëjmë procesin politikë, ne kemi qenë gjithmonë në krah të qytetarëve. Që askush mos e merrte politike shembja e shtëpive nuk është politike, të nxjerrësh jashtë një person . Që para një viti kemi bërë kërkesë kryetarit të bashkisë që të ulet dhe të plotësojë kërkesat e tyre. Banorët kanë bërë kërkesë me masë padie, ja ku është përgjigja vjen fadroma, duhet që shteti të mbronte këtë situatë. Pse nuk pritet përgjigja e gjykatës dhe institucioneve? Ne kemi bërë kërkesë, shikoni përgjigjen e këtyre sjellin ruspat. Kanë sjellë gjithë policinë sikur kushedi çfarë po bëhet këtu për të prishur disa shtëpia. Shtëpia është gjëja më e madhe që ka njeriu. Të gjithë duhet të mbajmë prona, nuk do të vazhdojnë kështu të paprekshëm këta në këtë mënyrë. Në fund të ditës dikush do ta paguajë për këtë që po bën. Do vijë koha që këta do të ikin”, u shpreh Rushaj.
