Situata në Shkodër është tensionuar, pasi protestuesit kanë goditur filimisht me guri xhamat e selisë së Partisë Socialiste dhe pastaj e kanë djegur dhe shkatërruar godinën vendore të Rilindjes në Shkodër. Mes pjesëmarrësve ka fëmijë, ndërsa organizatorët po përpiqen të qetësojnë situatën pasi ishte bërë thirrje për protestë marshim.
Marshimi ka nisur që nga sheshi “Luigj Gurakuqi” ndërsa marshimi pritej të përfundonte pikërisht në selinë e PS. Pasi situata u qetësua, protestuesit vendosën pankartat e tyre në derën e thyer të selisë dhe kanë ngjitur në mur fotografinë e 25-vjeçarit Klodian Rasha, i cili u ekzekutua nga një efektiv policie në Tiranë.
Në protestë, nuk ka prani të efektivëve të policisë ndërsa protestuesit pritet të shpërndahen.
