Ish-ministri i Punëve të Jashtme në Kosovë, Petrit Selimi ka deklaruar se fluturimet nga Austria në Kosovë janë anuluar për shkak të situatës në veri të Kosovës.
Me anë të një postimi në Twitter, Selimi shkruan se anulimi i fluturimeve nga Austrian Airlines është absurditet dhe justifikim.
“Absurde që kompanitë ajrore Australiane të anulojnë fluturimet për në Kosovë për shkak të incidenteve në veri. Por miqtë nuk arritën mbrëmë në Prishtinë dhe Austrian Airlines përdori situatën kufitare si justifikim. Kjo tregon çmimin e incidenteve të tilla për turizmin dhe investimet”, shkruan Selimi.
Veriu i Kosovës është përfshirë nga tensionet pasi qeveria e Kosovës paralajmëroi se duke nisur nga 1 gushti qytetarët serb që kanë makina me targa me akronime të qyteteve të Kosovës, që lëshohen nga Serbia, do të mund të regjistrojnë makinat e tyre me targat RKS (Republika e Kosovës).
Po ashtu, nga sot u tha se të gjithë shtetasit e Serbisë, që do të hyjnë në territorin e Kosovës, do të pajisjen me një dokument të përkohshëm të hyrje-daljes, që do të zëvendësojnë dokumentet e identifikimit personal nga Serbia. Praktikë të njëjtë Serbia aplikon për shtetasit e Kosovës prej 11 vjetësh. Pas tensioneve dhe kërkesës së SHBA, Kurti vendosi shtyrjen me një muaj të këtij vendimi.
