Këshilltari i Departamentit Amerikan të Shtetit, Derek Chollet, ka anuluar vizitën e tij të planifikuar në Kosovë. Arsyeja e shtyrjes së vizitës së Derek Chollet raportohet se ka ndodhur për shkak se ai është infektuar me Covid-19.
Chollet pritet që këtë vizitë në shtetet e rajonit ta realizojë në fillim të vitit 2023.
Ai ishte planifikuar që sot të niste një vizitë zyrtare në Kosovë, së bashku me të dërguarin e SHBA-ve për Ballkanin Perëndimor, Gabriel Escobar.
Nërkohë ky i fundit pritet që të takojë sot presidenten Vjosa Osmani dhe kryeministrin Albin Kurti. Takimi Kurti-Escobar do të mbahet në orën 16:30, teksa tensionet mes Kosovës dhe Serbisë janë rritur.
