Presidenti i Republikës, Ilir Meta, do të mbledhë ditën e sotme Këshillin e Sigurisë Kombëtare. Burime bëjnë me dijë se Këshilli Kombëtar do të mblidhet, nisur nga tensionet e ditëve të fundit në Ukrainë.
Mbledhja e thirrur nga presidenti pritet të mbahet në orën 16:00.
Mësohet se, në këtë mbledhje nuk mund të jenë prezent kryeministri Edi Rama dhe ministrja për Europën dhe Punët e Jashtme Olta Xhaçka të cilët ndodhen për një vizitë 4-ditore në Shtetet e Bashkuara të Amerikës.
Me një postim në Twitter, Ministria bën me dije se vendi ynë mbështet sovraniteti dhe integritetin territorial të Ukrainës.
Po ashtu i bëhet thirrje Rusisë që të de-përshkallëzojë konfliktin dhe të zgjidhë situatën në mënyrë diplomatike. “Në këtë situatë të vështirë dëshirojmë të riafirmojmë edhe një herë mbështetjen e Shqipërisë për sovranitetin dhe integritetin territorial të Ukrainës. Ne ripërtërijmë thirrjen tonë që Rusia të de-përshkallëzojë dhe të zgjidhë situatën në mënyrë diplomatike”, thuhet në postim.
