Gazment Bardhi ka sqaruar momentet se si Kryesia e PD-së së vulës miratoi me 17 vota pro zgjedhjen e kryetarit në 29 korrik.
Bardhi u shpreh se nuk u lejua të diskutohej nga britmat e të pranishmëve që kërkonin të votohej propozimi që u miratua, edhe pse kishte disa propozime të tjera që synonin bashkimin e qëndrimeve.
“Tensioni u krijua nga fakti që nuk pranohej të diskutohej asnjë propozim tjetër veç atij që u votua. Ndërkohë që Jemin Gjana, Roland Bejko dhe Jonila Godole po propozonin versione që bashkonin të dyja qëndrimet.
Ne kërkuam që po, duhet të kemi një version të unifikuar, që bën të mundur të dalim me vendim unanim dhe të gjejmë një version që bashkon dy qëndrimet.
Bëri një propozim Land Bejko konkret për unifikim dhe sapo filluam të diskutojmë, nuk lejohej të flisnim nga të bërtiturat “votojmë votojmë votojmë vetëm versionin e datës 15 korrik”, sqaroi Bardhi, sipas BalkanWeb.
Mbledhja e Kryesisë së PD të vulës është shoqëruar me tensione, sharje e fyerje ndaj deputetëve, por edhe gazetarëve që kanë ndjekur nga afër zhvillimet në selinë e kësaj partie.
The post Tensionet në Kryesi, Bardhi: Po shkonim drejt konsensusit, nuk na lejuan as të flasim… appeared first on 27.
