Ka nisur tensioni në protestën e opozitës që po zhvillohet sot përpara Kuvendit, ku dhjetra qytetarë po shtyjnë kordonin e policisë.
Ndërkohë që në oborrin e Kuvendit po hidhen shashka nga dera që lidh godinën me selinë e PD-së. Nga ana tjetër një makinë që shpërndan ujë është gati të ndërhyjë në rast se situata tensionohet më tej.
Së fundi, policia po vijon t’i bëjë apel protestuesve që të heqin dorë nga dhuna, pasi në të kundërt do të ndërhyhet forcërisht nga forcat e rendit.Ndërkohë pranë turmës kanë shkuar liderë të opozitës, si dhe disa ish deputetë të kësaj force politike.
